Ég er í námi og bý ein með barni og gæludýrum.

Ég er fædd og uppalin á höfuðborgarsvæðinu en mislíkar það meir með hverju árinu sem líður. Helst myndi ég vilja búa lengst úti í sveit en hef þó verið að hugsa um að færa mig bara aðeins út fyrir höfuðborgina þar sem ég er komin með gubbið í munninn af því að vera hérna en á enn nokkur ár eftir af náminu.

Ég reyki/veipa og drekk í hófi, finnst gott að fá mér bjór um helgar en bara í temmilegu magni.

Áhugamálin eru mörg en það er vonlaust að sinna þeim öllum, spilun tölvuleikja er í sérstöku uppáhaldi og er það áhugamál sem fær hvað mesta athygli frá mér. Ég tek svo skorpur með hin þegar andinn færist yfir mig, þau áhugamál eru annað hvort skapandi; teikna, hekla og tálga, eða kjörin fyrir að kúra undir teppi; lesa og glápa á eittvað (sci-fi, fantasy, anime og annars konar teiknimyndir, ætli þær séu ekki flestar amerískar (rick and morty, south park, venture bros o.þ.h.), zombies og post apocalyptic þema er vinsælt).

Mér finnst mjög notalegt að vera úti í náttúrunni, þó það sé ekki nema að reyta arfa í litla garðinum mínum, rölta úti með hundinum og heyra fuglasöng í stað umferðarniðs, og ef ég get rennt fyrir fisk um leið er ég komin í himnaríki. Ég er samt engan veginn útivistartýpan, finnst bara gott að komast út úr borginni.

Mér þykir virkilega gaman að keyra mótorhjól, það er sjálfsagt það eina sem toppar leikina, fjárhagurinn hefur þó aldrei leyft kaup á einu slíku (mommy needs her cigarettes) og þó ég sé einstaka sinnum svo lánsöm að fá eitt lánað hjá mömmu þá er varla hægt að kalla þetta áhugamál þar sem það er nær aldrei stundað.

Ég er gleymin og utan við mig, þarf að hafa flest allt í reglu og rútínu, fúnkera betur þannig. Er frekar ófélagslynd, finnst fínt að vera ein en ekki alltaf og vil þá frekar hafa það fámennt en góðmennt. Góðhjörtuð og heiðarleg, legg mig fram um að vera sanngjörn og skilningsrík. Ég myndi gjarnan vilja fleiri börn, og á það líka við um stjúpbörn sem eru meira en hjartanlega velkomin. Mér mislíkar ekki að vera einhleyp og ég er alls ekki að flýta mér í samband en ég er samt farin að hugsa að það væri nú ósköp notalegt.

Mér líkar menn sem deila einhverjum af áhugamálunum með mér (helst tölvuleikjunum), eru hreinskilnir, hispurslausir, með grófan húmor og orðljótir svo lengi sem meiningin er góð, sem vilja frekar setjast og ræða málin í stað þess að rífast, eru sammála mér að samvinna, samskipti og kynlíf eru lyklarnir að góðu sambandi, með fæturna á jörðinni (trúa ekki á guð eða árur eða þess háttar), og vilja eiga gott fjölskyldulíf umfram allt og þá meina ég með fjölskyldunni, ekki facebook.