Ef þú ert að leita að hinni fullkomnu konu þá hryggir mig að láta þig vita að þú ert ekki að leita af mér. Hinsvegar ef þú ert að leita af einstaklega heiðarlegri, kvennlegri, þolimóðri og svolítið kaldhæðinni týpu þá getur verið að við eigum einhverja samleið. En ég ætla að segja þér svolítið betur frá mér svo þú getur myndað þér skoðun.

Ég er sveitavargur, þeas ég ólst upp í sveit þar til ég var 16 ára en þá lá leið mín í borg óttans en svo endaði ég erlendis nokkrum árum síðar. Ég kláraði ekki nám heldur ákvað að að skoða heiminn en er núna að vinna hægt og rólega í því að klára eitthvað.

Ég elska dýr, ég á hunda sem eru mín mesta hvatning til þess að vera aktívari. Ég á rollur í sveitinni, en ég heimsæki sveitina mína reglulega en það er ekkert eins gott og sveitaloftið.

Megin áhugamál mín eru ljósmyndun, lestur, ferðast innan sem og utanlands, skriftir, hlusta á tónlist, spila borðspil (Munchkins, Ticket to Ride osfrv.) og horfa á góðar bíómyndir/þætti (sbr. TBBT, Battlestar Galatica, American Horror Story osfrv.). *Nýtt obsession* = Ræktin... Hversvegna veit ég ekki en það er eitthvað...

Af hverju er ég að leita? - Þegar stórt er spurt er lítið um svör... en ég held ég geti með sanni sagt að ég er að leita af einhverjum sem getur látið mig brosa. Einhverjum sem hefur ekkert á móti dýrum sem og hefur ekkert á móti því að sveitavargast með mér.

Ef þú last svona langt og langar að spjalla, endilega hafðu samband.