Hamingjusamur ungur maður að leitast við að gera lífið innihaldsríkara og skemmtilegra. Myndarlegur í meðallagi amk held ég og með hausinn í þokkalegu lagi. Openminded í meiralagi, almennt frekar jákvæður og ég hef óbeit á almennum leiðindum, baktali og taumlausri dramatík. Ég hef farið allt annað en beinustu og auðveldustu leiðina í lífinu sem aftur hefur kennt mér að meta hversdagslega hluti sem ég áður tók sem sjálfsögðum hlutum. Ég er óhræddur við að gera mistök enda er lífið eitt risastórt þroskaferli og endalaus lærdómur og maður lærir víst frekar lítið ef maður gerir alltaf allt "rétt". Mistök og mis-heimskulegir hlutir hafa í það minnsta verið órjúfanlegur partur af mínu ferðalagi hingað til og verða það vonandi áfram.

Ég bý einn og hef gert það alltof lengi sennilega. Ég er orðinn frekar leiður á því á köflum og mig langar því að kynnast heilbrigðri ungri konu með allt eða ekkert í huga, ég er opinn fyrir öllu (eða engu). Ert þú falleg að innan, heiðarleg, jákvæð og almennt frekar skemmtileg? Myndarleg að utan, í þokkalega góðu formi amk andlega og líkamlega og veist ca hvað þú vilt í lífinu og hvað ekki? Þá gæti ég hugsanlega verið að leita að þér. Heilabúið, húmor, heiðarleiki og almenn heilindi er það sem heillar mig mest við konur þó vissulega þurfi hún að vera aðlaðandi líka. Áhugi á útivist og útiveru af flestu tagi er svo sannarlega kostur þar sem ég er samasem heltekinn af íslenskri náttúru, hvort sem það er í formi skotveiða, fjallahjólreiða, göngutúra eða bara bíltúra og jákvæð og skemmtileg kona gerir slíka upplifun bara skemmtilegri. Ef ég er að lýsa þér vina mín, að hluta til eða öllu leyti þá ættirðu kannski bara að prufa að senda mér línu því hver veit nema þú sért að leita að mér og ég að þér :-)