KittenSmile

Halló, ef þú ert með mynd af magavöðvunum þínum í prófælnum þínum skaltu ekki lesa lengra.

Ég er menntuð í félagsvísindum, barnlaus, er hálfnuð með meistarpróf og vinn með. Annars er ég voða ljúf, húmoristi með rugluna á háu stigi. Ég veit ekkert skemmtilegra en að láta eins og fífl í góðra vina hópi.

Ég er með tvö höfuð ( djók, það væri samt kannski gaman að prófa það í einn dag). Ég mun þó sennilega aldrei setja (venjulega) mynd af mér á þessa síðu því Ísland er lítið land og ég vil ekki að Gunna frænka eða gamlir skólafélagar sjái síðuna mína hér. Ég er með myndir af mér í msn.

Ég er að leita að einhverjum sem nennir að spjalla um allt og ekkert.

Cybersex kemur ekki til greina því mér finnst það hilariously asnalegt.

Ég hef ferðast mikið, ég hef búið í Englandi. Ég les mikið, horfi mikið á bíómyndir og ég elska tónlist, ég gleymi mér oft í tónlistargrúski á netinu og það væri gaman ef þú værir tónlistarnölli líka. Ég hef líka gaman af skapandi skrifum og skrifa stundum þegar ég er í stuði.

Ég labba mikið, skokka og syndi, mér finnst hreyfing best utandyra og finnst alveg óskaplega leiðinlegt að hanga í líkamsræktarsölum.

Endilega hafðu samband ef þú ert á svipuðu reki.