hedgehog

Ég er opin og lífsglöð, klár og falleg og er að leita að manni á aldrinum 30-38 ára með framtíðarsamband í huga. Ég er háskólamenntuð í góðu starfi, barnlaus og reyklaus og hef áhuga á öllu milli himins og jarðar. Ég vil kynnast manni sem er skemmtilegur, einlægur, myndarlegur (ekki "fjallmyndarlegur, hehe" týpan), vel menntaður, eða a.m.k. það vel með á nótunum og víðsýnn að hægt sé að ræða við hann um hina ýmsustu hluti, og er einfaldlega á góðum stað með sjálfan sig og sitt líf.

Ég hef breiðan smekk á tónlist og bíómyndum, elska góðan mat og finnst afskaplega gaman í góðum matarboðum í góðum félagsskap. Ég hef mjög gaman af því að ferðast og hef gert talsvert mikið af því, bæði innanlands og utan. Ég er einnig prýðileg á skíðum þótt ég geti ekki sagt að ég hafi stundað þau reglulega síðustu árin en það má alltaf bæta úr því.

Ég er ekki mikið fyrir að standa í of miklum bréfaskriftum eða spjalli svo ég er alveg á því að hittast fljótlega yfir góðum kaffibolla ef mynd og samskipti framan af lofa góðu. Margir geta skrifað mjög skemmtilega en ef neistinn er ekki til staðar, sem maður veit ekki nema maður hittist, þá nær það ekkert mjög langt.

Eitt að lokum. Aldursmörkin sem ég set eru einfaldlega vegna þess að ég lít sjálf út fyrir að vera yngri en ég er og er því að leita að mönnum sem myndu eldast með mér en eru ekki orðnir gamlir fyrir. Hef því ekki áhuga á 40+ ára, takk. :)