Reynum smá tilraun.

Ég er litið menntaður (hef ekki lokið stúdentsprófi), en í skítsæmilegri vinnu, með kaup sem dugar fyrir skuldum. Þrátt fyrir skort á menntun, er ég sem á góðri íslensku mundi útleggjast sem stafsetningar nasisti. Að nota punkt, og stóran staf í byrjun setningar, mun ekki valda heimsendi. Prúfið það!

Ég er of þungur, og meðan það er alltaf stefnan að bæta úr því, þá veldur leti því að það mun ekkert, nokkurntíma, koma mér upp eldsnemma morguns, til að ganga á Esjuna. Kannski gönguferð niður að sjó, eða sund, eftir hádegi (þegar dagurinn byrjar), svo lengi sem komið er við í ísbúð í leiðinni.

Ég er sjúklega feiminn, og kem mun betur út í texta, en nokkurntíma auglits til auglits, þar sem mér endalaust vefst tunga um tönn. En á móti kemur að það er varla hægt að finna betri hlustenda!

Ég er með góða kimnigáfu, en hef reyndar komist að þvi að allir virðast telja sig hafa góða kímnigáfu, líka þeir sem finnst Spaugstofan enn vera fyndin, þannig að í raun er að hampa því hjá sjálfum sér, frekar tilgangslaust..

Ég hef áhuga á kvikmyndum, leikhúsi, tónlist, en geri allt of lítið af því að horfa/sækja/hlusta á annað en það sem er í boði í sjónvarpi... annað sem, eins og líkamsræktin, er eitthvað sem ég stefni á að byrja að gera meira af á morgun.

Ég reyki, mest alltaf á reyklausa daginn, drekk mjög sjaldan, en þá yfirleitt alltof mikið, ég horfi á klám (í algjöru uppáhaldi myndin Lesbian Spank Inferno), og loks eyði alltof miklum tíma á netinu, en sannfæri sjálfan mig um að það sé vinnunnar vegna.

Nú, ef þú hefur komist í gegnum þetta allt, ert kvennmaður á aldrinum 28-70 (þetta er víst formúlan, en er með opinn huga!), og ert ekki í áfalli eftir að hafa lesið allt þetta, þá má alveg prófa að senda mér línu.