Oglethorpe

Jæja, þá þarf víst að hefja söluræðuna, gera heiðarlega tilraun til að hljóma voðalega sjarmerandi og allt það.

Ég er 28 ára nörd af manni, ég held því fram að ég sé ágætis manneskja, en það er ekki fyrir mig að dæma, ég kannast þó ekki við að hafa fengið einhverjar kvartanir hingað til. Ég er gaurinn sem elskar allt sci fi, pælir of mikið í teiknimyndasögum og verður allt of spenntur þegar eitthvert tæknifyrirtækið kynnir einhverja nýja græju. Skiptir engu máli þó græjan sé bara örlítið betra en eldri týpan… ég finn leið til að sannfæra mig að ég geti ekki lifað án hennar. Efnishyggjan að fara með mig greinilega.

Græjufíknin nær lengra en tæki og tól, ég er gítarglamrari og græjufíknin er ansi sterk þar. Áhuginn er þó oft á tíðum talsvert meiri en getan… en ekki segja neinum, það hljómar svo vel að maður spili á gítar.

Eins og flestir þá hlusta ég á tónlist… sjokkerandi ég veit. Ég er metalhaus… þungarokkandi nörd, hversu sjarmerandi er það? Ég hlusta þó á talsvert mikið af tónlist, allt frá rólegu og fallegu yfir í öskrandi hávaða. Ég hef átt það til að vera tónlistar snobbaður, gaurinn sem alltaf heldur að það sé hann hlusti á sé betra en það sem aðrir hlusta á… sem er alveg leiðinlegasta týpa sem til er… þannig ég reyni að sleppa því. En allir geta lent í því að falla.

Ég reyki hvorki né drekk og hef aldrei gert. Engin ástæða fyrir því svo sem, ég byrjaði aldrei og svo komst ég að því að ég er eldgamall og það tók því ekkert að fá sér bjór upp úr því. Það gerir það þó að verkum að ég er eilífðar bílstjóri, sem er ekki alslæmt… getur þó verið leiðinlegt að finna stæði. Af einhverri ástæðu virðist fólk gjarnan halda að ég sé mótfallinn þeirri ágætis iðju að fá sér í glas fyrst ég geri það ekki, en svo er ekki, fjarri því.

Ég veit ekki alveg afhverju ég skráði mig hérna… það er sunnudagur og hef ekkert að gera. Ætli ég sé ekki að segja sjálfum mér að mér leiðist bara og ég sé forvitinn. En það er aldrei að vita nema það leynist hér áhugavert fólk.