Karmon

Vinir mínir segja mig vera traustan og heiðarlegan einstakling með hjartað á réttum stað. Ég er almennt talinn vera glaðlyndur og drífandi maður með báða fætur á jörðinni. Þær konur sem ég hef kynnst hafa haft á orði að ég sé viðræðugóður og þægilegur í umgengni. Sumar hafa haft á orði að það taki nokkurn tíma að kynnast mér en ég sel það ekki dýrara en ég keypti það. Almennt telja þær mig vera nokkuð myndarlegan en eins og gengur og gerist hjá fallegra kyninu þá eru þær ekki á einu máli um það :-)

Í stuttu máli þá er ég heilbrigður karlmaður með jákvæðar væntingar til lífisins. Ég er mjög vel menntaður með framhaldsháskólapróf. Ég lifi heilbrigðu líferni, hleyp mikið og er í mjög góðu líkamlegu formi. Ég er að leita eftir að kynnast konu sem hefur svipaða lífsmynd og lifir tiltölulega heilbrigðu líferni. Ég á sjálfur engin börn en eitt til tvö börn eru engin fyrirstaða. Ég geri ekki neinar nákvæmar útlitskröfur nema að þú sért ágætlega á þig komin líkamlega en það þýðir alls ekki útlit að fyrirfram gefinni staðalímynd tískutímarita.