godisawayonbusiness

Langar þig í mann sem vinnur 9-5 vinnu? Hittir vinina á þriðjudögum, horfir á boltann á sunnudögum og borðar kjúkling á fimmtudögum? Langar þig í rútínukenndan mann sem fer til sólarlanda á sumrin og í verslunarferðir á veturna? Mann sem breytir lítið til í lífinu og er sáttur við að sjá sem minnst og gera sem minnst?
Ef þig langar í svoleiðis náunga, máttu endilega kíkja á næstu auglýsingu.

Ef þig langar aftur á móti í mann sem vinnur þrælspennandi vaktavinnu, lifir fyrir að gera nýja hluti í lífinu og sjá spennandi staði, hefur ekki hundsvit á boltanum eða öðrum íþróttum og þykir ógeðslega gaman af lífinu - þá máttu endilega tékka á mér!

Hér er sumsé eitt lifandi eintak af manni. Góður maður umfram allt - með slettu af rokkara- og villimannsgeninu í sér -elskar fjöll og firnindi, finnst gott viskýglas með góðri músík eitt það besta í lífinu og lifir eftir þeirri speki að lífið sé rússíbani, og að maður vilji geta litið til baka einn daginn þess fullviss að maður hafi valið þann besta.
Er þó jarðbundinn líka, og finnst viss stöðugleiki í lífinu algjört must. Get vel hugsað mér krakka í framtíðinni, og dreymir um að eignast einn daginn fullt hús af hlæjandi krökkum.

Þannig að, ef þú ert sæt stelpa á aldrinum 18-??, ert í nokkuð góðum málum með sjálfa þig og vilt kynnast myndarlegum náunga með óslökkvandi þorsta í lífið, þá máttu endilega tékka betur á mér!

Langar þig í deit yfir kaffibolla og fiðlumúsík, eða langar þig frekar í jeppatúr upp á fjall og drekka kaffi af prímus með ekkert nema stjörnuhimininn yfir þér?

Hafðu samband;)

PS mynd fyrir vini