Þið eruð ögrandi stelpur með allt ykkar á hreinu og gaman að sjá hvernig þið viljið hafa okkur strákana. Ég er nú frekar seinn í þroskanum, rétt farinn að vita hvað ég vil og nýbyrjaður að safna innbúi (eins og það sé eitthvað atriði :-) ). Þannig að jafnöldrur mínar ég held að ég eigi engan sjens í ykkur eða....
Við eigum að sjálfsögðu að birtast á hestinum hvíta (heppinn ég, ég á hvítan bíl).
Helsta áhugamál mitt er að fylgjast með stelpunni minni vaxa og dafna (það gengur allt mjög vel hjá henni hún er 10 ára á þessu ári). Ég hef líka áhuga á að standa í skilum þið skiljið passa að skulda engum neitt, borga af lánum og svoleiðis. Svo þetta venjulega hef áhuga á mat (er vonlaus kokkur en er mjög flinkur að ganga frá eftir matinn, vaska upp og svoleiðis stöff). Ferðalög (ég er með smá jeppadellu væri til í að stunda svoleiðis, sofa í bílnum og lenda í smá ævintýrum). Ég á líka hjól fínt að hjóla smá, svo á ég kort í ræktinni gott að nota það stundum og ég kann líka að skíða í plóg. Ég er alæta á popp nema ostapopp ég horfi ekki mikið á sjónvarp man eftir að hafa fylgst með Dallas og Húsinu á sléttunni. Mér finnst meira gaman að kaupa ís og keyra út fyrir bæinn og kíkja á norðurljós, stjörnuljós og tunglsljós þá er hægt að hlusta á popp (og borða) í leiðinni, hækka hressilega og syngja með þegar skemmtilegu lögin eru spiluð (afsakið orðinn pínu væminn).
Ég er saklaus og reyklaus. Ég er með smá menntun sem sagt ekki háskóla, ég er ekki í neinu rugli (hver er ekki í rugli).
Knús til ykkar allra RISAknús til þessarar einu réttu. Kær(asta) kveðja Strákurinn.