Af öryggisástæðum verða allir skráðir notendur að samþykkja notkunarskilmála okkar.

1. Notandi er persónulega ábyrgur fyrir öllu efni sem hann birtir á vefnum og öllum skilaboðum sem hann sendir. D3 miðlar ehf getur ekki undir neinum kringumstæðum borið ábyrgð á orðum eða athöfnum notenda.
2. Börnum undir 18 ára aldri er óheimill aðgangur að allri þjónustu einkamal.is.
3. Það er stranglega bannað að bjóða vöru eða þjónustu sem íslensk löggjöf bannar, t.d. vændi, ólögleg vímuefni eða ólöglegt klámefni.
4. D3 miðlar ehf. áskilur sér rétt til að grípa inn í vegna kvartana undan stöðugu áreiti eða óþægindum af völdum annarra notenda. Þá áskilur D3 miðlar ehf. sér rétt til að grípa til viðeigandi ráðstafana ef orðalag auglýsingar notanda þykir óviðeigandi.
5. Ef upp koma lögreglumál í tengslum við misnotkun vefsins, t.d. vegna brota á friðhelgi einkalífs eða sölu ólöglegrar vöru eða þjónustu, áskilur D3 miðlar ehf. sér fullan rétt til að aðstoða yfirvöld.
6. Myndbirtingar eru val hvers og eins notanda. Myndir verða að vera af notandanum sem sendir hana inn, hún má ekki sýna annað fólk en notandann sjálfan, hún má ekki vera hreyfimynd eða gróf klámmynd. D3 miðlar ehf. áskilur sér rétt til að hafna myndum.
7. Að gefa upp símanúmer, tölvupóstfang eða heimilisfang er val hvers og eins notanda. Notendur mega þó ekki birta símanúmer, tölvupóstfang eða heimilisfang í texta auglýsingar. D3 miðlar ehf. mun ekki undir neinum kringumstæðum a) birta símanúmer, tölvupóstfang eða heimilisfang notanda, b) gefa það upp til þriðja aðila, eða c) gjaldfæra á símareikning notanda nema án upplýsts samþykkis í formi lykilorðs sem sent er í síma hans. Undantekning frá b) er þó áskilin ef um lögreglurannsókn er að ræða.
8. Til þess að fullnýta sér þjónustu einkamál.is þarf notandi að vera áskrifandi að vefnum. Áskrift er innheimt vikulega eða mánaðarlega þar til að henni er sagt upp af notanda. Ekki er hægt að fá endurgreiðslu ef að notandi er bannaður vegna brota á skilmálum.
9. D3 miðlar ehf. skuldbindur sig gæta fyllsta trúnaðar við notendur. Engar persónuupplýsingar eru geymdar í gagnagrunninum, en IP-vistfang úr hverri heimsókn og netföng notanda eru geymd af öryggisástæðum.
10. D3 miðlar ehf. skuldbindur sig til að gefa ekki upplýsingar til þriðja aðila, hvorki um netfang né aðrar notandaupplýsingar. Sömuleiðis skuldbindur D3 miðlar ehf. sig til að skoða ekki nein samskipti milli notenda, nema dómsúrskurður eða fullt samþykki viðtakanda liggi fyrir.
11. Verði notandi uppvís að brotum á þessum skilmálum verður lokað fyrir aðgang viðkomandi og brotið tilkynnt þar til bærum aðilum.
12. Áskriftargjald er innheimt sjálfkrafa fyrir hvert tímabil. Ef notandi vill ekki endurnýja áskrift á næsta tímabili þarf hann að segja upp áskriftinni en áskrift lokast sjálfkrafa um leið og því tímabili sem greitt var fyrir lýkur.
13. Með því að staðfesta notanda lýsir notandi því yfir að hann sé 18 ára eða eldri, af því kyni sem skráð er og samþykkir að hlíta notkunarskilmálunum.
14. Einkamálavefurinn áskilur sér rétt til að breyta þessum skilmálum án fyrirvara.